بلوج جديد
عامله مخصوص عشان اخبار الصحف القومية اللى تجيب العته المنغولي
اللى هيا زي شيراك يأخذ الخبرة من مبارك
واخبار الاصلاح الاقتصادي كلها والبلد لسه بتتكلم في رغيف العيش
اصلاح اقتصادي ورغيف العيش مش موجود
طب ازاااااااااااي؟
افهمها دي !
مصر اشتغالات صحيح
المهم ان ده مش معارضة بس
البلوج ده دليل على ان اللي اختشوا ماتوا في كل زمان ومكان
وبما ان ده موضوع البداية فهحكيلكم قصة المثل المصري بتاع اللى اختشوا ماتوا
الموضوع وما فيه انه كان مرة فيه حمام .. حمام للاستحمام بس عمومي فيه قسم حريمي وقسم رجالي
فجأة شب حريق في الحمّام ده .. فالناس طلعوا يجروا وهما عريانين لغاية ما خرجوا برّه وهما ما صدقوا انهم عاشوا
فيه ناس اتكسفت واختشت على دمّها
قالوا هنطلع ازاي من الحمام قدام الناس عريانين كده
دول للاسف اتحرقوا في الحريقة
فطلع المثل
اللى اختشوا
ماتوا !
25 comments:
اللي بقى
للأسف مضطر ازف ليك الخبر دا
بس اللي اختشوا انقرضوا في آخر حادث للنيازك في كوالالمبور
زي الديناصورات بالظبط
متفهمش ايه اللي جمعهم في كوالالمبور
يمكن كان فيه اجتماع اللي بيختشوا قبل ما يموتوا التاسع عشر
المهم انهم بعد انقراضهم
مبقاش منهم حتى بقايا ولا عضم
بس في عالم بيقول انه ممكن لو لاقينا عضمه ضغننه ليهم نعرف بيها الدي ان ايه بتاعهم ونشوف الحمض النووي ويمكن نعرف ايه اللي كان بيخليهم يختشوا
يلا بقى
الله يرحمهم ويرحمنا
تحياتي يا طارق باشا
ههههههههههههههههههههه
تحيا مصر
ومرحب بيك يا جميل طبعًا في مدونة فضائح اللى اختشوا ماتوا
فعلا اللي اختشوا ماتوا
وانقرضوا كمان
ولا حياة لمن تنادي
مدونه جميلك وكذلك البوست
بالتوفيق دوما
فعلا اللي اختشوا ماتوا
وانقرضوا كمان
ولا حياة لمن تنادي
مدونه جميلك وكذلك البوست
بالتوفيق دوما
هههههههههههههههههههههه
اول بوست جامد موووت
و بدايه جامدة
و ربنا يوفقك
و عايزين حاجات جامدة برضه بس بنفس الاسلوب كدة
و دمتـــــــــــــــــــــــتم
ههههههههه حلوة اوى بس اللى اختشوا ماتوا فعلا اصلهم قلوا اوى نادرا لما بقينا نسمع الحكاية دى الا فى المسلسلات العربى بس بجد حلوة وسرد اجمل
حلوة الفكرة اوى بالتوفيق ان شاء الله:)
السلام عليكم
انا اول مرة ازور مدونتك
ما شاء الله جميله
احييك على البوست جميل جدا
وانا مكنتش اعرف حكايه المثل بتاع اللى اختشوا ماتوا
شكرا ع الافاده
السلام عليكم ورحمه الله وبركاته
فعلا معك حق
اللى اختشوا ماتوا
اذا كان المثل يقول
إذا كان رب البيت بالدف ضارب فشيمه اهل البيت ....
كانت تلك زيارتى الاولى لمدونتك ان شاء الله لن تكون الاخيره
ونسال الله ان نجد لديكم دائما كل جديد ومفيد والسلام عليكم ورحمه الله وبركاته
أخوك
د/أحمد جمال
سلوى
شكرًا لاهتمامك بالزيارة والقراءة
وأؤيدك
اعترض ازاي وده هدف المدونة اساسا !
ساموراي فور ايفر
اتقل بس وانتا هتتكيف زي ما بيقولوا اخواننا الاسكندرانية
ان شاء الله الجاي اجمد بس قول يا رب
برينسيس بيري
شكرًا لزيارتك في موضوع الافتتاح ويا ريت تكرريها في المواضيع الجاية
وطبعًا
اللي اختشوا ماتوا
برينسيس
الله يخليكي
ويوفقك
ريمان
وعليكم السلام ورحمة الله وبركاته بدايةً مدونتي الرئيسية
kawarith.blogspot.com
وشكرًا لزيارتك والحمد لله ان البوست عجبك وباذن الله يعجبك اللي جاي
أبا يحيى وآدم
مدونتي الرئيسية أولا هي
kawarith.blogspot.com
هذه هي فضائح اللي اختشوا ماتوا ببساطة وان شاء الله يعجبك الجديد وسأحاول ان يكون مفيدا
سعيد بزيارتك جدًا فلا تحرمنا منها
لا انا اختلف معاك مش كل اللى اختشوا ماتوا فاضل لسه اتنين بيطلعوا فى الروح فبطل تقول معلومات غلط عيب يا طروق اختشى اوبا ولا للاسف نسيت ان اللى اختشوا ماتووووو هههههههههه
لا حول ولا قوة الا بالله
مالك يا علي يا حبيي
ايه اللى حصل لك ؟
انا واثق من ان كلهم ماتوا
ده الحريقة قديمة يعني
حاول تتأكد من معلوماتك !
مبروك المدونة الجديدة
الاخبار اللي انت حاططها ظريفة قوي
وتموت من الضحك
تحياتي
مبروك :)
الف مبروك المدونة...
والاخبار تخفة يا كارثة افندى...
هو فيه حد بيختشي أصلا
اللي اختشوا اصبحوا مثل الآثار الفرعونيه
حاجه وانتهت من زمااااااااااااااان
امل الله يبارك فيكي
وقريبًا كمان انطلاق مدونة تالته بفكر جديد تماما في التدوين المصري .. استني شوية بس !
وبالنسبة للأخبار فأنا لسه ما بدأتش
كان المفروض ابدا امبارح بس الكهرباء قطعت !
اموت واعرف كهربة ايه ده اللى بتنقي بيوت تقطع فيها
القصة النهارده ان شاء الله
blue
الله يبارك فيكي
سعيد بزيارتك جدًا ..
نورتي المدونة بالمعنى الحرفي للكلمة !
الغزالي باشا
الله يبارك فيك يا بيه
ان شاء الله يعجبك الجديد
اتقل بس
لورنس العرب
ده اللى انا بقوله بالظبط
اؤيدك بشدة
وبعنف !
Post a Comment