طبعًا اللي بيحصل على الساحة السياسية حاليًا مهزلة بكل المقاييس , من اول المحاكمات العسكرية للمدنيين وهي لمن لا يعرف زي بالظبط تطبيق قانون الزواج الاسلامي على مسيحيين !
طبعًا النسبة الكبرى في المدنيين دول لجماعة الاخوان المسلمين اللي اتعرضت لتشويه كبير جدا في الاعلام المنافق او من التيار السلفي المناهض على أرض الواقع , واخيرًا آخر الفضايح الأهرام بتعلن ان جماعة الاخوان المسلمين كانت على اتصال بأمريكا , بغض النظر على صحة الموضوع ده من عدمه فالخبر في حد ذاته بيؤيد المثل القديم الحكيم : اللي اختشوا ماتوا
ليه بقه اللي اختشوا ماتوا , لأن نفس التهمة اللى الحكومة بتتهم الاخوان بيها المفروض الشعب يحاكم الحكومة بيها , احنا متورطين مع امريكا توريطات مالهاش آخر ولله الحمد , آخر فضيحة للحكومة في الموضوع ده موضوع حرب العراق و الاكتر من 30 الف طلعة جوية من المجال الجوي المصري وال 800 بارجة حربية اللي عدوا من قناة السويس بأمر الحكومة !
ده في حرب العراق اللي حصلت في عهد الرئيس مبارك وحكومته اللي بتتهم بالاتصال بأمريكا , اصل أمريكا دولة وحشة وهدفها ايذاء الامة ومالهاش دعوة بالمصلحة العامة والخ الخ وبناء عليه فالاخوان عملا وبيتصلوا بالمخابرات الامريكية وامريكا ومصر اكتشفت الموضوع ده أخيرًا ..
كأن الشيخ حسن البنا الله يرحمه راح قعد مع الحاج اميرجو فسيوبيتشي واتفقوةا على تبادل المعلومات في مقابل الانقلاب على الرئيس مبارك ومن يومها وهي رسالة تتناقلها الاجيال حتى وصلت الى المرشد والجماعة الحالية بس الريس ناصح وكشف المخطط وهيحبطه
يااااااااااه
صحيح
اللي اختشوا ماتوا
28 comments:
السلام عليكم
والله عندك حق الى اختشو ماتو فعلا
تحياتى
رحاله\
نورتي المدونة
هما ماتوا وانقرضوا كمان
الله يرحمهم بقه
فعلا اللي اختشوا ماتوا
بس بما اننا في عصر مابعد الحداثه فكل شئ نسبي....حتى الفهم بقى للاسف نسبي
والمنطقيه كمان
والله اخى تعبير كافى جدا
اللى اختشوا ماتو
بجد موضوع كويس والحكومه فكره ان الشعب ده جاهل مش بيفهم وهما بصراحه هيضحكوا على مين وحمله واضحه جدا على الاخوان فى كل مكان
بس الموضوع مش موضوع اخوان الموضوع موضوع دعوه وتكملة رساله فان الله مع كل انسان قرر يحمل على كتفيه الدعوه والمجاهده لنصرة الدين
بجد جزاك الله خيرا
وتقبل مرورى
كوارث معك ألف حق
اللى اختشوا ماتوا وادفنوا
كما
تقبل تحياتى
أحمد مصطفى
غادة ورفيدة
اكيد بقولك
امال انا عامل المدونة ليه
كل شيء نسبي
خليها على الله
قلب انسان
لا موضوع الحكومة موضوع اخوان
لا دخل للدين بالامر
هما شايفين ان الاخوان خطر مهدد بدليل انهم سايبين بقيت الجماعات حتى المنشقين عن الجماعة !
هيا الجماعة بس
والا فلا
نورتني
احمد مصطفى
الله يخليك
شكرا على تأكيدك للحكمة
شاكر لزيارتك
نورتني
السلام عليكم ورحمة الله وبركاتة
كثيرة هى الامور الغريبة اللى بتحصل من حولنا
فلا تندهش فنحن فى زمن العجائب
اول مرة اجى مدونتك
مدونة حلوة بالتوفيق يارب
اللي اختشوا ماتوا فعلا
علي فكره واحده من اكتر الحاجات اللي مجنناني ان الحكومه بتستخف بينا بشكل صعب قوي،وكأننا اطفال او عيال مش فاهمه حاجه
..............
عارف انا قرات في جريده من كام يوم ان الريس مبارك كان جايله طرد بلح معرفش من الملك مين كده،
وراح مبعوث من رئاسة الجمهوريه يجيب الطرد وصمم يدفع 65 جنيه تمن ضريبة المبيعات والجمارك،شوفت بقا الديمقراطيه والمساواه
..............
حسبنا الله ونعم الوكيل
فعلاً
اللي اختشوا ماتوا
................
سعيد بزيارتك جدا واتمني تنورني دايما
نهر الحب
وعليكم السلام ورحمة الله وبركاته
احنا في زمن العجايب فعلا
للاسف انا بدات اغير من نجاح المدونة ده على مدونتي التانيه
نداء الى رفيق الكفاح محمد جميل
شد حيلك يا جميل والا هتبقى المدونة ملكية خاصة
سعيد بزيارتك ويا ريت اتنور بزيارتك تاني
سفينة
فيه مسرحية جامده علينا فعلا
ووالله فيه الخير
الملك اللي بعت الطرد بالبريد
والريس لسه ما استكفاش ؟ حتّى طرود البلح ؟
لا عنده ذمة مالية جامده جدا الراجل ده على فكرة
ما يدفعش الخمسه وستين جنيه ازاي؟
ماهو واخد 65 مليار قصادهم !
فعلا و الله اللي اختشوا ماتوا
امال حكاية الغاز اللي بنصدره لاسرائيل تبقي ايه
ان طلع العيب من اهل العيب مايبقاش عيب
مش كده ولا ايه؟؟؟
الكل يجب أن يعيش في جلباب أمريكا لكي يصل إلى ما يريد
سواء كان حكومه، أخوان، أقباط مهجر، أيمن نور، كله كله
أمريكا وراء أي شيء وكل شيء
ولن يصل أحد إلى شيء دون أن توافق أمريكا عليه
ولن يصل أحد لشيء طالما أن أمريكا غير راضيه عنه
وعشان الناس دي مش بتختشي أصلا
فعددهم الآن في الليمون
موني
عندك حق
لو بصيتي لعجايب النظام والله ما هنخلص !
سبحان الله
لورنس العرب
عندك الف حق
اؤيدك في كل حرف !
نورتنى بجد....موضوعاتك هايلة....لكن مش هعلق لحسن نروح فى داهية....ههههههههههههه
لا يا خويا انا مش هعلق اه....انت عايز تودينا فى داهيه....ههههههههه معطلكش
الجبن سيد الاخلاق
شفقة
بص ياكوارث انا مش مع الاخوان
بس مش بحب الحكومه ومش كمان بايد طريقتها في التعامل معاهم
بس اللي انت متعرفوش ان اللي اختشوا ادفنوا بالحيا
ماتوا وشبعوا موت من زمان
بس يعنى بالنسبه للصوره
مش منظر خالص
مش دى الاشكالى الى تحطها
عروسة ننوسة
انتي البلي نورتيني
الموضوعات هايلة آه
هروح في داهية ؟
آآآآآآآآآآآآه !!
شفقة هانم
الجبن سيد الاخلاق
والجري كل المجدعه
مبدأين لا يخيب تابعهما أبدًا
مرحب مرحب
نورتي
ميادة
مش ادفنوا بالحيا قوي يعني
لان لو فيهم نفس مكانش ده بقه حالنا
واضح انهم ماتوا وشبعوا موت
نورتي
نودي
معلش استحملي ..
ده من باب مشاهدة فصائل جديدة من البني آدمين
وبلاش اتكلم عشان ما ينتهيش بيا الحال في مستشفى النبوي المهندس !
شاكر لزيارتك
السلام عليكم
عندك حق والله يا اخى ربنا يرحمنا برحمته يااااااارب
لى عوده باذن الله
تحياتى
عزيزي كاتب المقال
اشكرك على مقالك ولكن اسمحليأ، اقول كلمات بسيطه
فالعبد لله لا يستطيع كتمان ما يراه حق
بداية...اتفق معكم تمام الاتفاق ان النظام يقع في الخطايا تلو الخطايا وحالنا لا يتحرك من سييئ الا الى اسوأ(حقيقه) ولكني اظنها حقيقه مؤقته قابله للتعديل في ظل المعطيات الراهنه
نتفق يا عزيزي ان محاكمه المدنين في المحاكم العسكريه كارثه ما بعدها كارثه ولكننا قد لا نتفق على تصنيف المدنيين !!!.... وان كنت ارى في الجماعه إيّاها كلام غير الكلام..اما عن انصار السنه قلهم الله وهم (والعلم لله)من اخلص الموجودين على الساحه واكثرهم حبا للناس ولخيرهم..
الكارثه الكبرى يا عزيزي هيه الربط والتشابه بين العلاقه الدوليه بين دوله ودوله والعلاقه وبين دوله وتنظيم ولهذا خطأ فادح وخطير ولا يؤدي لفهم الواقع بشكل صحيح وواضح..وان كنّا نزعم ان مرور البارجات واقلاع الطائرات من رموز الخضوع والاذعان او قل التؤاطؤ فكل ما نقول مزاعم قائمه على استنتاجات فعلاتقات مثل هذه يا عزيزي لا تظهر بشكل قاطع على العيان الا بعد زوال النظام وهذا هو حالنا منذ فتره ليست بالقصيره عايشناها او قرأنا عنها من صفحات الاحوال العربيه السياسية...لا ألومكم يا عزيزي على غيرتكم وسخطكم على النظام ولكنني ارجو الا يؤثر هذا على مصداقيتكم
شد القلم واكت كلام ف كلام
إوعاك تبان خايف من الايام
طالبة الفردوس
شاكر لزيارتك .. وربنا يرحمنا
دكتور نعسان
مراحب مراحب
انا لا اؤيدك البتة !
لما المعاتيه بتوع العلمانية يجيبوا صورة اخواني ويكتبوا تحتها اثناء جهاده في افغانستان !
قال يعني حتى لو كانوا جاهدوا يبقى غلطوا .. وهوا فين دوره في الجهاد ؟
انتا بتتناسى حقيقة ان الجهاد فرض عين على كل مسلم ؟
وان الاخوان حاليًا متواجدين في المجتمع المسلم بطريقة منتشرة جدًا فعلا ورغم كده انا مش شايفلهم لا حوارات ولا واحد في يوم رفع مطوة حتى بتوع الجهاد دول .. بالعكس والله اكتر ناس محترمة !
هقول يا ريت الدنيا كلها اخوان !!
انا مش اخواني ولا هكون مش لانهم وحشين
ببساطة لاني مش هعرف اكون اخواني
صعب عليا التزم للدرجة بس انا شايف انك متحامل عليهم
وانتا بتتكلم عن علاقة دولة بدولة يعني هيا حكومة بوش هتكلم الاخوان ؟
ما هيبقى تنظيم بتنظيم وللدقة المخابرات المركزية الامريكية اللى مالهاش دعوه بالحكومة خالص برضه .. ده اللي حكومتنا بتتهم بيه واحنا عارفين كويس انهم مبدعين في كل ما هو زائف وقادرين يخلوا نبي زنديق وزنديق نبي !
انا مش عارف ايه ده !!
حاجه تحرق الدم والله
نورت يا صاحبي
عزيزي
لم اتطرّق الى الجماعه المحظوره بالشكل اللذي اشرت اليه..ولكن فقط يا عزيزي اثارني الربط بين انصار السنه (ممن ينؤون بأنفسهم عن اي فعل فيه إثاره الفوضى) وبين بعض الافعال والاقوال الحكوميه(ليس عيبا ان تتفق آراءك مع آراء حكومة لا ترضيك على كل الجهات...أما الحديث عن الجماعه فلك ان تراجع الافعال لا الاقوال يا عزيزي
وللحديث بقيه مادام في العمر بقيه
شد القلم واكتب كلام ف كلام
إوعـاك تبان خايف من الأيام
Post a Comment