كان مسطول يشكي , وفجأة بدأ يحكي : يحكي يا جدعان , انه في زمن من الازمان , كان يحكم ملك شديد , ومن خلفه استعمار فريد , فقامت ثورة كبرى , وكان الملك من الأسرى , أما قائدو الثورة , فقد أرسوا مباديء العدل وتوزيع الثروة , وعملوا بهذا من الأعوام عشرين أو خمس وعشرين , حتى رئيس جديد , زعم أنه كان في الثورة صنديد , وأن كل الأبطال العظام , كانوا في الواقع أوهام , وأنّه وحده البطل , وقائد النصر في معركة الهطل , حيث قاد حينئذ القوات الجوية , الى بطولة كبيرة قوية , جعلته سيد العرش , كبير حجم الكرش ملك ملوك الشعب وراعي سياسة السلام لا الحرب , ومد أواصر الصداقة مع اسرائيل , ولو سال من دمنا الف سيل وسيل
وأدرك مسطول الصباح فسكت عن الكلام المباح
يتبع !
10 comments:
ما هو يا سيدى لازم يسكت عن الكلام المباح عشان العمر مش بعزقة....................... بس كالعادة دماغك جامدة جدا والكلام فى الجون.
والله انا بقول كده يا انجي
كفايه عليه كده حكاوي
دا مسطول دماغه متكلفه
وهتوديه ورا الشمس
ممممممممممم
مش عارفة ليه حاسة إني أعرف الراجل اللي مسطول بيتكلم عند ده.......ألا هو مسطول ده جنسيته إيه بالضبط؟!!!!!!!!!
لما يمسك ابنه ان شاء الله
هايقولوا انه ابن صاحب الضربه الجوية الأولى
كله بيتمسح في الحرب مش عارف ليه
أما بالنسبه له هو شخصيا
فهو يمثل خازوق الحياه بالنسبة لمصريين
انت ازاى تتجرأ وتغلط يا دى النيله حسرة عليها يا حسره عليها
اشرب بقى من اللى هيحصل
الا هو مين ده اللى بيتكلم
انجي
ازيك يا دكتورة
منوراني
لا صدقيني
العمر مش بعزقة
ومالوش لازمه
ربنا يخليكي
يا ريتني بعرف اكتب !
حبيبة القمر
بلاش تحالف عليا
هوا فعلا دماغه متكلفه قوي
بس ورا الشمس ؟
بقه فيه اماكن اسوأ
دواير
ازيك؟
مسطول معرفش جنسيته
بس هوا مواطن من مواطني المهز لدين الله
دعواتك بقه
appy
معلش
حسرة عليها وعلى امها وعلى رئيسها وعلى شعبها
اللي بيتكلم
مسطول !
حد ما يعرفش مسطول؟
لورنس العرب
هههههههههههههه
بلاش الكلام الكبير ده
انا لسه ما قلتش ان المهز لدين الله له ابن
انتا عرفت ازاى ؟
شكلك عارف فكرة حكاياتي
يبدو انها تسربت !
الا صحيح .. تقترح يبقى اسم ابنه ايه !
Post a Comment