Monday, September 29, 2008

عن مرور القانون الجديد


في هذا القانون الجديد, المليء بالتهديد والوعيد
وقال ايه هيخلي كل مواطن مبسوط وسعيد
نجد غرامات وفلوس وحبس أكيد
ونجد ما لم نراه عند قريب او بعيد

من حبس لاستخدام المزمار بدون اسباب كالحمار
او غرامة لأنك لا تملك حقيبة الاسعاف الجبار
او لأنك نسيت رخصتك فتذهب الى السجن بكل وقار
وبالتأكيد ممنوع الأكل او التدخين او انك تعمل في العربية زار

تناسى اصحاب القانون الجديد ما معنى التغيير
وان التغيير المفاجيء لن يأتي الا بالوبال على شعبنا الخطير
الذي لن يفتأ أن يتفنن في الاختراع والتحوير
لحد ما يوصل لمرحلة مفيش مخالفات مالوزير للغفير

مهو كلو محصل بعضو وكلو بيعدي
وقبل اي لجنه كلو بيهدي
ومالآخر عندنا مصيبه تجيب ومصيبه تودي
والوقتي اللي عنده عربيه اقوله انا على رجليا منتاش قدي


الباب اللي يجيلك منه الكمين
سيبه خالص وادخل يمين
والا هيقفشك الظابط ويعملك عجين
ولا كأنه داخل معركة حطين


المهم ان الحزام لازم كله يلبسه
واللي في بقه كلام يسكت ويدفسه
والا هيلاقي مخبر على اقرب بوكس يرفسه
ويحزن عليه اهله وباقي عمره يتعسه


قانون جديد وكل قانون وانتوا طيبين
وعلى اللي ملوش لازمه متجمعين
وعلى اللي ليه لازمه منفضين ومش فاضيين
بكره يجيلكم قانون يقول محدش يركب عربية شاهين


ولا يحطلك اتنين لتر بنزين 80 على بطاقة التموين
ويقولك بعد كدا مفيش الا خمسه وتسعين
ربنا يخليلنا احلى ناس بتطلع احسن قوانين
قولوا امييييين يا رب العالمين

7 comments:

Anonymous said...

ههههههههه
انا كنت ناويه اشترى عربيه وظبطت كل حاجه
بعدها ب3 ايام طلع قانون المرور الجديد
كل اللى فى الشارع عارضين عربياتهم للبيع
منظر فى منتهى الكوميديا
هانقول ايه بقى
قانون جبايه جديد
فيه دوله تانيه كده عملت حاجه لذيذه قوى
اللى يعدى من على كمين وهو مطبق التعليمات ولابس الحزام هايدوله مكافأة
لكن مش غرامه
الدولة دى الكل لابس فيها الحزام وملتزم بالقوانين
هش
بس
اسكت
لحسن يسمعوا كده عندنا ويقولوا يلا نطبقها وبعد كده يغلوا اسعار الحاجه تانى عشان يجيبوا فلوس المكافآت
كل سنه وانت طيب

Mohamed Gameel said...

lOl..
يا ريت بس يكون تطبيق القوانين بجد مش مجرد هوجه كدا وبعدين يبقى القانون يمشي بس عالناس اللي ملهاش ضهر في البلد
ما دام قانون يبقى يمشي عالكل ويبقى الكل قدامه زي اسنان المشط
ولا ايه ؟

سعيد بوجودك وينكي
وكل سنه وانتي طيبه

Mony said...

ههههه


حلوه




انا حمايا كان راكن عربيته بس عكس اتجاه الشارع

فإدوله مخالفة و عملوله قضية شروع في قتل

كل ده و هو لسة واقف مامشيش

و في الاخر امين الشرطة كان عايز منه 500 جنيه
و يعديه من غير حاجة

Empress appy said...

بس انا موافقه عليه وعجبنى لاننا شعب ميجيش غير بكده هااااااا بقى
يالا
كل سنه وانت طيب

Mohamed Gameel said...

يا خبر الوان مش فاتحه
شروع في قتل يا موني
دا تهييس
يا رب رحمتك
بس بردو مينفعش نركن عكس يا جماعه
البوليس بس وعربيات الاتاري هيا اللي تركن عكس
تسلمي على الكومنت يا موني
ويا ريت نشوفك هنا دايمًا
------------------
آبي
معاكي حق طبعًا
بس يتطبق صح
وعالكل وهوا هيبقى قانون رائع
منوره المكان وياريت تشرفينا تاني

BlackSharke said...

العيب مش في القانون
العيب في الناس
اللي المفروض فيهن يطبقوا القانون
طبعا لن يطبق القانون علي كل الناس
وستكثر الرشاوي والمحسوبيات
والحكاية كلها كوسة

رحلتنا في الحياة said...

ههههههههه الحمد لله مش ناوية اشترى عربية مالها التاكسيات اللى طلعت عنيا فى الرايحة والجاية هى جت على قانون المرور البلد كلها بقيت سلطة ومش لاقين حاجة يسرقوا بيها الشعب